ചിലപ്പോള് എന്റെ
തോന്നലുകള്
അശ്വവേഗത്തിന്റെ
എണ്ണിയാലൊടുങ്ങാത്ത
ഗുണിതങ്ങള്ക്കപ്പുറമാണ്
മറ്റു ചിലപ്പോള്
ഇഴഞ്ഞിഴഞ്ഞു തളരും
ഒരു കുതിപ്പിന്
കടല്സീമ തകര്ത്ത്
പേരറിയാത്തൊരു വന്കരയില്
ചെന്നു വീണ്
മരണത്തെ കാത്തു കിടക്കാന് തോന്നും !
നീല വിഹായസ്സില്
ശീര്ഷാസനത്തിലിരിക്കവേ
ഭൂമിയില് പതിച്ചടങ്ങുന്ന
രസമോര്ത്തു ചിരിക്കും
ഒരു ചെറുകുളിരില്
പ്രണയമാപിനി പിളര്ന്ന്
രസമൊരു തീഗോളമായവളുടെ
ചങ്കു തകര്ത്തെന്റെ
പ്രണയപെരുംചൂടവള്ക്ക്
പകരാന് കൊതിതോന്നും
ദൂരെയെവിടെയെങ്കിലുമെന്റെ
സഖാവ് കണ്നിറച്ചെന്നെ നിനച്ചാല്
കഴുത്തറ്റു വീണാലും
ഞാനൊരു വിരല്പ്പാടകലെയുണ്ടാകും !
ഇനിയും നിങ്ങള്
ഞാനാരെന്ന് ചോദിച്ചാല്
ഒരു നല്ല കവിതകേട്ടു
ഉറങ്ങും പോലെമരിക്കാന്
കരളില് സ്വയം
കുറിച്ചിട്ടവന്
എന്ന് പറയും !!
ഒരു ചെറുകുളിരില്
ReplyDeleteപ്രണയമാപിനി പിളര്ന്ന്
രസമൊരു തീഗോളമായവളുടെ
ചങ്കു തകര്ത്തെന്റെ
പ്രണയപെരുംചൂടവള്ക്ക്
പകരാന് കൊതിതോന്നും..............
വെറും ചില സമയങ്ങളിലേ തോന്നലുകള്
ഷാജു അത്താണിക്കല്...
ReplyDeleteകവിതവരുന്നതും ചില സമയങ്ങളില് :)
"തോന്നലുകള്" -
ReplyDeleteഅവയാണ് മനുഷ്യനെ, ഈ ലോകത്തെ തന്നെ നിയന്ത്രിക്കുന്നത്? ഉദാഹരണമായി, നാളെ ഇന്ത്യയാണ് എല്ലാ പ്രശ്നങ്ങള്ക്കും കാരണം എന്ന് ഒബാമയ്ക്ക് തോന്നിയാല്....?