വെയില്‍ വറ്റി വരുന്നതേയുള്ളൂ
നഗരങ്ങള്‍ ഉണരാനും
ഗ്രാമങ്ങള്‍ ഉറങ്ങാനും പോകുന്നു
ഉറങ്ങുന്നവര്‍ക്ക് മീതെ
ആഷാഢം പെയ്തു തീരുന്നു
ഉണര്‍ന്നവര്‍ക്ക് കീഴെ
പനി പിടിച്ച സ്വപ്‌നങ്ങള്‍
വിറകൊണ്ടു തളരുന്നു
ഇനിയേതഗ്നിപര്‍വ്വതം
ഗര്‍ഭമലസിയൊലിച്ച
ലാവയിലമര്‍ന്നാലുമെനിക്കു
പൊള്ളില്ല
ശിശിരം പിന്നെയുമെത്രയുറഞ്ഞു
തീണ്ടാരിയായാലുമെനിക്കിനി
തണുക്കില്ല
ഉറങ്ങിയ ഗ്രാമവും
ഉണര്‍ന്ന നഗരവും
വയല്‍ക്കിളി കൊത്തിപ്പറന്ന
പതിരാണെനിക്ക് ..
ചിലപ്പോള്‍ ആ പതിരുകളില്‍ ചിലത് മുളക്കാം
ReplyDeleteഉറങ്ങിയ ഗ്രാമവും
ReplyDeleteഉണര്‍ന്ന നഗരവും
വയല്‍ക്കിളി കൊത്തിപ്പറന്ന
പതിരാണെനിക്ക് ..
മനസ്സില്‍ തങ്ങി നില്‍ക്കുന്ന ആത്മാവുള്ള വരികള്‍ ഒരു പാടു ഇഷ്ടമായി കേട്ടോ ആശംസകള്‍
എന്റെ ഒരു രചന വായിച്ചു അഭിപ്രായ നിര്‍ദ്ദേശങ്ങള്‍ അറിയിക്കുമല്ലോ http://pradeep-ak.blogspot.com/2011/11/blog-post.html.....
ആത്മഹത്യകള്‍ അനിവാര്യമാകുമ്പോള്‍..,,,